Soirée: Homeparty

Soirée: Homeparty

DJs Max Power & Q-Drop
Partytunes, Charts, Hip Hop, House

ab 23gi, ab em 11i

Was gits bessers als e Homeparty? Eusi Homeparty. S’isch au dini, ihri und sini Homeparty. Nur musch du am Schluss nöd ufruume. Und wills eus sovill Spass macht und immer sovill Lüüt chömed, machemer sie jede Friitig. Einzigis Kriterium isch, du musch mindestens 23gi si und vill gueti Luune mitbringe.

D’Nachbere sind informiert, d’Chüelschränk sind volle, d’Musigalag isch installiert, de N64 staht bereit für e Rundi Mariokart und d Dachterasse hämer wintertauglich gmacht. Mir sind ready und es chan los ga.

Damits mit de Musig keis Chaos git, hämer de Max Power und de Q-Drop organisiert, wo sich drumm kümmere werdet. Sie spillet primär Musig für alli wo alli kennet und alli guet finde. Wenn sie din Lieblingstrack vergässet, däffsch du de natürli gern wünsch. Sofern sie en uf em Laptop hend unds guet passt, spillets en gern.

Falls du zwüschet durre chli Chille möchtsch oder eifach lieber hocksch als stahsch, tömer dir au gern es Sofa reserviere. Eifach churz bi eus melde.

Mir freuet eus uf dich.

WG - Kanzlei

Loungereservationen auf www.kanzlei.ch