Soirée: HOMEPARTY - Ü23

Soirée: HOMEPARTY - Ü23

Ab 23 Uhr / Eintritt 15.- / Alter 23+

DJs Wyla & Louis de Fumer

Partytunes, Charts, Hip Hop, House, Open Format

Dini neui Lieblingsparty, das isch eusi Homeparty. Jedä Friitig lademer dich und dini Fründe i, eus i eusem Dihei go bsueche cho. Inzwüsche simer scho in aller Munde und falls du eusere Iladig nonig gfolgt bisch, wird’s Ziit endlich mal verbi zcho. Mir sind en Garant für e unglaublichi Atmosphäre, super Musig und die beste Lüüt.

Da mir zmitzt im Kreis 4 sind hämer au kei Problem mit de Nachbere und chönd Party mache, bis mir nüme möget. Du chasch i de Chuchi bi eusne Mitbewohner Getränk bstelle, im Meitli oder Buebezimmer chli chille, im Spielzimmer Mariokart spille, uf de Dachterasse go schmuuse oder eifach i de Stube abtanze.

Damits mit de Musig keis Chaos git hämer de Louis de Fumer und de Wyla organisiert. Sie spillet Musig für alli wo alli kennet und alli guet findet. Wenn sie din Lieblingstrack vergässet, däffsch du de natürli gern wünsche. Sofern sie en uf em Laptop hend unds guet passt, spillets en gern.

Chum verbi, mir freuet eus uf dich.

WG – Kanzlei

Loungereservationen auf www.kanzlei.ch